Skip to main content

INCHEN KHOCHEN KUKI CUSTOM

 ‍‍KUKI TE PUTE PATEN INN CHENG KHOCHENG ASEM NA A CHATE NEI LE GOU AHOP DAN THU LE KUKI  CHAPA KHAT IN JI NI(2) ANEITHEI  NAHO PUTE PATEN ANA CHEPI HO THU HI MITAM PIN KIHET KHEL NALEH KIBUI NA A ANEI KHAH JI JEH  IN KUKI INPI MANIPUR CUSTOM DEPARTMENT IN HILCHET NA LEKHA BUU DAN BUU AKIKOI E.


       <script async src="https://pagead2.googlesyndication.com/pagead/js/adsbygoogle.js?client=ca-pub-8876661732682016"

     crossorigin="anonymous"></script> 

  1. Kuki chapa khat in ji ahin nei a chapa ahin nei teng le chapa khat ahi leh, apa cheng na innpi chu anaote numei hotoh anga ji ahi.


          2. Mi chapa tah pen in peng pi pasal anaote aneitam chan a mipa in adamsung a ji ahin nei teng uleh,  inn chon naleh nei le gou hop peh na anei ji ahi. Mipa in adamsung a ahop man lou leh chapa lah a atahpen in anaote nei le gou ahop peh ji ahi.

           

          3. Mipa damsung a chapa te jinei man lou ho jong mi upan jinei na chung chang hihen lang, inn chon na chung chang hijong leh mopoh na apoh ji ahi.


          4. Kuki chapa khat in ji thah aneithei e, kiti pule paten custom a ahin chepi dan ho chu ahileh mipa te apeng khom ho hihen lang, chate apeng khom ho hijong leh mi upa khat chu athi khah leh, ajinu chu anaopan ama ji toh ana vet kop sah jiu ahi.

          

          5. Mi naopa chu athi leh ajinu chu aupao ana vet kop sah jiu ahi.

          

          6. Chate pasal ho ajinei lou gollhang aum leh, aupa jinu chu aupa hinkho abei khah le anaopa gollhang hijong le aupa jinu chu ana vetsah jiu ahi.

        

          7. Mi upa jinei lou ana um jong le anaopa ajinei masat a ahinkho abei khah leh, ajinu chu aupa ana vetsah jiu ahi.

          Hiche ho jeh a chu pule pate pao a u-thi, naothi, kive kiti chu ajite ho akivet to peh jeh uh ahi.


          8. Mipa hihen lang mi upa hihen lang mi naopa hijong le, ji ni(2) neiho leh jikop neiho nei le gou kihop khen dan le, kilhe khen dan, thu i-hetkhen na diu vin :


        (I) Aji masa toh nei le gou ana lam doh hon hochu aji masa chate mopoh na ahi. Achung chon a chu mipa in jong mopoh tha ahi.


        (II) Aji ni(2) na nu toh jong amani kicheng jou a alamdoh hon nei le gou hochu, amani chate mopoh na ahi. Hiche chung chon a chu pathen in phatthei aboh a ajilui nu toh nei le gou ahou hon jong le, chapa tah pen in jong anaote apeh be thei ahi.


      Ajithah nu toh jong nei le gou ahou hon jong le anaoten jong aute alhasam aum jong le, apeh be thei ahi.  Hiche chun avetsah chu pa a kon a thisen khat a peng chate kihet na ahi.


          9. Mipa pasal khat in jithah hihen lang jilui hijong le chapa aneilou a chanu ngan jing anei le, nei le gou hohi mipa mopoh na ahi.

          

         Adeh a chapa anei jong le chapa ten kapa in jithah anei e, atia apeng nao anu thu alah khah a apa mu da naleh insung a kon a no doh na kinei hochu aum khah le, hiche mipa in innpi adalhah a pat a inn cheng atum a asem na chunga alamdoh ho jouse chu, ji anei jong le chanu ngan anei jong le chapa ngan anei jong le aji masa chaten nei le gou achu theilou ahi. Akilheh khen sa ahi jeng e ajeh chu innpi a apa nahung nung lut kit tah lou ding, cheng na ding kihol tan kitia kino doh thu masa um pa chun akhensa ahi.


          10. Mipa khat in ajinu Custom dungjui a kida khen na um hen lang um hih jong le, mipa in ji thah nei hen lang nei hih jong le, ajinu chu anung sang nga a um jong le, chanu seh nei hen lang chapa seh nei jong le, ajipan inn cheng na a vet tha na vah tha na aneiji ahi. 

          Ajeh chu ajinu chu kikhen theng na thu ki seilou pasal chum toh jong kicheng lou ahi jeh ahin, amani a kon a khanggui kijop na pasal hihen lang numei hijong le, numeinu nung sang te toh pasal pa nung sang nupa pipu hina khanggui kikhen lou jeh ahi.


          11. Kuki te lah a mipa hihen lang chate hijong le ji thah nei ho lah a aji thah nun anung sang a inko te bol doh peh na a, Government service ahin kipoh lut ho chun chapa nei hen lang nei hih jong le, chanu anei jong le ajipa toh inn cheng asem na hon a aji thah nun alam doh ho jouse chu ji masa chate hon achu theilou, asei bui peh theilou ahi. Ajeh chu Kuki Custom nui a khankho in akan ahi. 


          Ajeh chu ima neilou te jong ama² in nei le gou akilam ji ahi.


         12. Gah hetkhen thei na ding in tekah khat hin nei in kate:


       Pu Thalhun in ji thum(3) ana nei jin Pu Thalhun chate lah a Pu Kipgen le Pu Haokip chu apute Lajang ten ana vah uh ahin, Haokip pa chu khankho a aputen akithopi nao le anu gou a akoipeh uh anu gou chu anga ahi tai. 


       Pu Kipgen in anu ahin dalhah a Lhungjang a apa Thalhun le apa ngah Chongloi Hangsing ahin bel le, apa ngah chongloi le hangsing in aupa hon Pu Kipgen dinga apa Thalhun chu ji thah ana pui peh hon jou ahi jeh in, Pu Kipgen chu apa ngah Chongloi inn a ana cheng tai.

Lhungjang a apa Thalhun inn le nei le gou chu innpi kiti chu, Pu Thalhun dinga aji athum na chapa Pu Thadou chun apa gou innpi Lhungjang kho chu angah tai.

 

         Pu Kipgen hi mi upa ahi vang in apa ngah in ana chen pi ahi jeh in, inn bei sa nga ding nei le gou aum lou phat in apa ngah Chongloi in Lhungjang kho gal a achang in ana cheng sah tai, hilai mun chu Nanglembung khogal pa tin jong ana min sah uvin ahi.


Kuki Inpi Manipur Custom Department Chairman/Secretary 

Pu Lhunthang Mate(Secretary)

Pu Lhunkholal Kipgen(Chairman)

Comments

Post a Comment

Popular posts from this blog

KUKI HILLS : KUKI TERRITORY

  Kukis’ Full and Undeniable Claim Over the Kuki Hills: A Historical Assertion from 641 CE to the Present Throughout the rugged terrain of the Indo-Burma frontier, a resilient people have long made their home in what is today commonly referred to as the Kuki Hills—a region encompassing parts of present-day northeast India, northwest Myanmar, and southeastern Bangladesh. The Kukis, comprising over fifty distinct tribes such as the Thadou, Zou, Hmar, Paite, Simte, Kom, Gangte, and others, have lived for centuries in these hills, defending their culture, territory, and way of life. Despite modern political boundaries and frequent attempts to diminish their historical claims, the Kuki people maintain a legitimate, ancestral, and uninterrupted connection to their land. This claim is not founded merely on sentiment but is deeply rooted in history, stretching as far back as the 7th century. The First Historical Mention: 641 CE in Tripura The earliest recorded mention of the Kukis appears ...
Post a Comment
Read more

WAR IN MYANMAR

  Monywa Township Luckily, Powered by Blogger. The fire was killed by the army at the army of the army at the fire of a grandmother killed at least 50 homes Yangon, March 1 Sagaing Division Lucky, Monywa Township Local people told the Rangoon New Night agency that a grandmother's death was burnt down by the terrorist villages in the village of Kenuk. From around 7:00 am on February 29, the military began burning the village of Turah Kone village, and the villagers were re-burnt down the village of Turah Kone village. "The army burned it. A grandmother who was not about to run on the fire. The fire was not left in the fire." The terrorist army was the artillery of the Kyaukphyu. About 80 goats have been killed in a fire.
Post a Comment
Read more

MOONLIGHT IN ZALENGAM : A KUKI BEAUTIFUL LADY

  Chapter 1 - A Girl Named Ahsi Kim Writer- GaryThangboi Haokip The first rays of dawn stretched over the misty hills and spilled through the windows of Ahsi Kim's small home. She awoke as the morning cockerels crowed their greeting to the new day. Though exhausted from another restless night, Ahsi rose without complaint and set about her morning chores. Outside, dewdrops dotted blades of grass like miniature jewels. Ahsi breathed in the fresh scent of the earth, allowing nature's quiet beauty to soothe her tired mind, if only for a moment. Her eyes drifted to the neighbouring homes nestled together up the sloping village road, smoke already rising from kitchen fires. In the distance, fuzzy outlines of the tallest hills blurred into the pale sky. This tranquil landscape had been Ahsi's whole world for as long as she could remember. Nestled deep in the rugged Kuki hills, the tight-knit community of Zalengam carried on as it always had, undisturbed by the changes sweepin...
Post a Comment
Read more