Skip to main content

HISTORY KITI HI IPI HAM? - N LHUNGDIM

 HISTORY KITI HI IPI HAM?


Asun: N.Lhungdim

Thangting House 

Molnom-West

18th March 2023 


Simlai hon lekha asim uhi alhangpi in History, Political Science, Economics, Mathematics, Sociology leh Geography kitiho hi ahipen in ahi. 


History hi English in hitin akile in ahi, *"History is the study of change over time, and it covers all aspects of human society. Political, social, economic, scientific, technological, medical, cultural, intellectual, religious and military developments are all part of history."*. 


History subject hi kei dinga kathepna lam leh kahetthei lam subject khat high school a kakai lai akipat in mark tamtah tah kana muna subject ahi. Hetthei dingin 1957 kum in Johnstone High School class-vii kasim lai in 1st terminal examination ah History subject ah ka class uva mi 60 lah a mark sangpen kamu in hiche ni a kipat chun Meilhei hon eihin limbol uvin touna jong kahung chang bep in ahi. 1961 kum in D.M College a Intermediate of Arts kasim lai in 1st Terminal Exam ah student 250 laha History subject ah mark kana musang pen in ahi. Hiche hi chuphat lai a Prof. Y. Ibetombi Devi kitinu in class a ahin phondoh leh ka answer script chu class sungah akitol uvin atam jon ana sim uvin ahi. 


Tuni a iseinom pen uchu ichennao Manipur history hi kaseinompen ahi. History hi Ancient, Mediaeval leh Modern aumsoh kei in ahi. Indian History jong ancient part chu Ashoka ho lenga ana pan lai ahi in, Mediaeval History chu Muslim ho adeh a Mughal ten vai ahomlai ahin Modern period ahileh British te vaihom lai thusim kisun ahi. M.A History a kasim lai in leiset chunga gam phabep khat British History, Russian History, Japanese History leh Chinese History phabeppi kana sim in ahi. 


Tuni a isei nom uchu Ancient History of Manipur chungchang ahipen in ahi. Achomlam taha seiding in Manipur History a Polo Sogol Kangjei hi B.C 3100 a ana kipan ahitai. Hiti chun 1891 in British te noi ah Princely State in ana um in, achaina in Indipendent State chu India ah ana loilut in ahi. Leiset gallen nina lai chun Manipur hi Japan leh Allied Force ho kisatna mun lentah ana hin ahi. 


History sim phatchomna English in hitin akisun in ahi, *"Studying history helps us understand and grapple with complex questions and dilemmas by examining how the past has shaped (and continues to shape) global, national, and local relationships between societies and people."*


Manipur History hi recorded amaspen chu 900 A.D laichu ana hibep in ahi. Manipur History hung kilahdohna Ancient leh Mediaeval hi The Court History of Manipur tia ana kihe CHEITHAROL KUMBABA. Cheitharol Kumbaba a kimu dungjui in Meilhei ho hi masangin Ningthouja akiti in midang hotoh ahung kijopmat uvin amaho jong hi migrant clan gamchom a hungkon ma ahi akitin ahi. King Kyampa kiti A.D 1467-1508 lai a thusim chu Ching-Thang Khomba leng hilai in ana thahsut kit uvin ahi. Meilhei te mythology CHEITHAROL KUMBABA a ana kisun dungjui in Pakhangpa Dragon God chun ama masanga Poireiton ana jou in Cheitharol Kumbaba a leng 7 ana kisun chu Pakhangpa, Tompok, Taothingmang, Khui Ningngongpa, Pengsipa, Kaokhongpa leh Naokhampa 4011 laichun vai ana hom uvin ahi. Pakhangpa leh Taothingmang tilou Chronicle achun ana kimupon ahi. CHEITHAROL KUMBABA a kisut dungjui in Divine Light Kings tin ana kisun in ahi. Naokhampa chu Naophangpa in gam ana lo in aban ah achapa Sameirang Aangom toh gal ana kisat lhon in aban a leng chu Konthoupa chu Senloi Langmei hotoh gal ana kisat in ahi. Kum 5 jou in Naothingkhong leng in ahung pangin  Naothingkhong leng a panlai in gam dang ana halah uvin ahi. Hiti chun Khongtekcha chu lengin ahung pangin Moirang phung hotoh gal ana kisat in kum 10 vai ahin hom in ahi. Kum 11 jou in Keirencha leng in ana pang in ama banah Yarepa kum 22 vai ana hom in aban a leng 4 hochu Aayangpa, Ningthoucheng, Chenglei Yipan Lanthapa and Yirengpa. Abon uvin kum 253 vai ana hom uvin Aayangpa in Nongyai Khumans, Ningthoucheng ana bulu in Houkei, Lanthapa ana capture in Luwangs leh Yirengpa in Moirang leh Khuman ana jou in ahi. 


Meilhei hohi Salai Taret kiti phung 7 in ana hopsohkei ahi. Amaho chu Khuman, Luwang, Moirang, Mangang, Chakpa Leishangthem tiho ana hiuvin ahi. 


A.D 1263 in Khumompa leng in ahungpang in Khuman hotoh kitho in Kabaw Valley a vaihom ho ana daldoh in thinglhang acheng Hao kiti hotoh gal ana kisat in alengpa uh Maimumpa chu ana man uvin Moirangpa in gou ahinlo in aban ah Khuman leh Moirang chu gal in ana jou in ahi. Thangpi Lanthapa kiti in kum 20 vai ana hom Moirang leh Loipa Hao ho ana jou in Tengkongbi leh Marem Namngapa jong ana man in 1324 in Kongyapa lengin ana pangin ama chu Tenheipa kum 22 in gam ana lo in gal tamtah ana sat in ahi. 


Hiche ho jouse hi akichenjep in T.C Hudson ICS phatkhat a Manipur a Assistant Political Agent a ana pangpa in English a asut ah akichenpen in ahi. Achomlam a seiding in Hudson seidan in Manipur a cheng Meilhei, Tangkhul leh Khongzai hohi ucha ana hiuvin ahi. Meilhei hohi phung 7 laha koipen chu leng chilhah hiuvem ti akiseidohpon ahi. Akiseidoh louna jeh hi lengphung kahi tia akiphatsei louna diu jong ahitin akisei in ahi. 33 A.D a Meilhei lenga ana kisei chu Pakhangba ahin ahi. Pakhangpa in ama masanga Poireiton gal in ana jou in ahi ti thusim jong akimun ahi. Pakhangba kitihi itia amin hung kivo ham itileh Pakhangba pachun achapa khatna pa komah lenga napan dingleh leiset golkhat in gakhol in tia asol chu ajinu in achapa nina adeisah jeha achapa chu akou a napa leng touna hi vel 7 in vel inlang hepa kahunglhung tai tile chun lenga napan ding ahi. Apa he pa khangba tia hung kiminvo ti thusim jong aum in ahi. 


Tuni a iseinom pen uchu Meilhei hohi atil abul in thinglhang mi banga athi niu leh lei a ana kivui jui uh ahi. Akivuina mun ujong Sadar Hills langa munkhat ahi ana kitin ahi. Hindu ahi masang uvin Kuki hon Kuki ho seltha kiti jonghi ana bol uvin Sandang tupa sel khom 3 ana tung uvin hiva chu sel ana hen uva ana thajui uh ahi. Tua Kuki hon in a sel lu ikitah uhi masang a Meilhei hon ana patdoh ahibou in ahi. Cheiraoba leh Laiharaoba kiti jong hi adihtah achu hou thu toh kimatna umlou pasal hon ji akinei louleh cha akineithei poi ti vetsahna a alam houchu hung kiseina ahibou in ahi. 


Achaina in Manipur thusim ihetlou jeh uvin tulai a Manipur acheng Naga, Meilhei hohi iki demto uvin gal ikibol to uvin khat le khat kigingmo to in khat le khat kiseisetna adim in ahi. Ideipen uchu Manipur Chief Minister pahin mi jouse ahinadol ah langnei sihneina neilou in amipi hohi khentun deitum umlou in vaihom leh akideipen in ahi. Ahinla vangset umtah in tulai Manipur Chief Minister pa hi Naga ho langah apangin Kuki ho asun ajan in adem in ahi. Hiche hi haosapu ahina dinga alhinlalna sign khat ahi. Haosa chun akhomi ho thakhat a avet tup ding akhoto ding angai in ahi. 


Achaina kei in tulai Tamenglong langa cheng Milong hohi Singson te lhah ngen ahi. Athusim chu hiti ahi. Milong pa khat hin cha pasal anei hih in chanu 3 anei in Singson pa jaha kachanu toh kicheng in atin Singson pa in Milongpa chanu toh ahin chu pasal 3 ahi in amaho chu Kamson, Kamei leh Pamei leh ahiuve ti thusim lui aum in ahi. Hiche hi amahon jong phatah in akihet uve ti akimun ahi. Hiche chu ivet leh Milong ho laha lekhathem masa Historian minthang Kangmumei Kamei jongchu Singson lhah ahibou in ahi. 


*Manipur a cheng hohi kikhen thei akihipoi thisan a kimat ngensen akihibou in ahi. Manipur unity leh integrity hi kesah louding itiu leh hichan hin hai taote.*

Comments

Post a Comment

Popular posts from this blog

KUKI HILLS : KUKI TERRITORY

  Kukis’ Full and Undeniable Claim Over the Kuki Hills: A Historical Assertion from 641 CE to the Present Throughout the rugged terrain of the Indo-Burma frontier, a resilient people have long made their home in what is today commonly referred to as the Kuki Hills—a region encompassing parts of present-day northeast India, northwest Myanmar, and southeastern Bangladesh. The Kukis, comprising over fifty distinct tribes such as the Thadou, Zou, Hmar, Paite, Simte, Kom, Gangte, and others, have lived for centuries in these hills, defending their culture, territory, and way of life. Despite modern political boundaries and frequent attempts to diminish their historical claims, the Kuki people maintain a legitimate, ancestral, and uninterrupted connection to their land. This claim is not founded merely on sentiment but is deeply rooted in history, stretching as far back as the 7th century. The First Historical Mention: 641 CE in Tripura The earliest recorded mention of the Kukis appears ...
Post a Comment
Read more

WAR IN MYANMAR

  Monywa Township Luckily, Powered by Blogger. The fire was killed by the army at the army of the army at the fire of a grandmother killed at least 50 homes Yangon, March 1 Sagaing Division Lucky, Monywa Township Local people told the Rangoon New Night agency that a grandmother's death was burnt down by the terrorist villages in the village of Kenuk. From around 7:00 am on February 29, the military began burning the village of Turah Kone village, and the villagers were re-burnt down the village of Turah Kone village. "The army burned it. A grandmother who was not about to run on the fire. The fire was not left in the fire." The terrorist army was the artillery of the Kyaukphyu. About 80 goats have been killed in a fire.
Post a Comment
Read more

MOONLIGHT IN ZALENGAM : A KUKI BEAUTIFUL LADY

  Chapter 1 - A Girl Named Ahsi Kim Writer- GaryThangboi Haokip The first rays of dawn stretched over the misty hills and spilled through the windows of Ahsi Kim's small home. She awoke as the morning cockerels crowed their greeting to the new day. Though exhausted from another restless night, Ahsi rose without complaint and set about her morning chores. Outside, dewdrops dotted blades of grass like miniature jewels. Ahsi breathed in the fresh scent of the earth, allowing nature's quiet beauty to soothe her tired mind, if only for a moment. Her eyes drifted to the neighbouring homes nestled together up the sloping village road, smoke already rising from kitchen fires. In the distance, fuzzy outlines of the tallest hills blurred into the pale sky. This tranquil landscape had been Ahsi's whole world for as long as she could remember. Nestled deep in the rugged Kuki hills, the tight-knit community of Zalengam carried on as it always had, undisturbed by the changes sweepin...
Post a Comment
Read more